مقهى توها فاتحة وصاحبها وحدة قطرية اسمها اسماء القحطاني سمعت من الموظفين انها شابة تقريبا تحت الثلاثين وأشوف أنها كسيدة أعمال قطرية شابة بنت البلد تستاهل كل الدعم ماشاءالله عليها. تصميم المطعم ماشاءالله تبارك الله ولا غلطة انا بنفسي مب مصدق أن المبنى التجاري القديم اللي صار له مدري 30 سنة تقدر تفتح فرع فيه وتخلي التصميم يحسسك انك في مبنى توه جديد صار له يومين. طلبت مشروب لاتيه وكان لذيذ جدا وعجبني (ما اقدر اقول افضل قهوة عشان ما اشرب قهاوي كثير) بس الطعم الصراحة الصراحة الصراحة تخليك ترجع وتطلب مرة ثانية . الموظفين خلوقين جدا ومحترمين وتعاملهم جدا حلو ماشاءالله. في اشياء بسيطة ما عجبتني ومنها الاسعار اللي حسيتها شوي اغلى من المقاهي الثانية خاصة ان الميني دونات (ما اعرف الاسم الاصلي ) اللي ينباع فتيم هورتنز 3 حبات ب4.5 ريال نفسه ينباع هنا 3 حبات ب20 ريال ، ثانيا كطالب جامعي أتمنى يكون في خصومات 15% او 20% على الطلاب والطالبات الجامعيين او عروض اخرى تجذبنا للمقهى خاصة ان معظم محبي القهوة هالفترة هم شباب وشابات جامعيين. ثالث شي اتمنى انكم تحرصون على لبس الموظفين القفازات عشان ما كانوا لابسينها .رابعا ، اتمنى انكم تقفلون الموسيقى عشان ما تاخذون ذنب عليها (يوم جيت اول يوم كان في موسيقى فالمقهى بس بعدين ما حصلت الحمدلله ) .بشكل عام انصح الجميع بتجربة هذي المقهى ودعم اختنا الشابة بنت البلد والحين افضل فرصة ندعم فيها العلامات المحلية في ظل مقاطعتنا للعلامات التجارية العالمية مناصرة لاخواننا في فلسطين. كفو عليكم استمروا وحاولوا تشتغلوا على النقاط اللي تكلمت عنها وأسأل الله أن يفتح عليكم أبواب رزقه ويرزقكم الجنة❤️
Service
Take out
Meal type
Other
Price per person
QAR 1–50
Food: 4
Service: 5
Atmosphere: 5
